Thursday, April 13, 2006

NĬTŨKŨRIEI RŨTHIOMI RWITŨ

Mũrata wakwa mũthomi mũgĩ,

Hihi no ũmenye kĩhumo gĩa ciugo nyingĩ tũtũmagĩra rũthiomi-inĩ rwitũ rwa gĩkũyũ? Mahinda maingĩ tũkĩaria tũtihũthĩire gũtarania na kũũrania ciugo imwe ciokire atĩa na igĩtuika cia gwĩtĩkĩrĩka taarĩ cia gĩkũyũ. Uyũ nĩ ũndũ wa gũtũma twĩtĩkie atĩ rũthiomi nĩ rũkũraga na kwĩyongerera ciugo na mũtaũrĩre wacio. Hihi wee no ũmenye kĩhumo gĩa ciugo ici tũhũthagĩra o mũthenya tũkĩaria?

Igooti njanji njeera wakiri baĩni

Kahũa cai turungi kabiaru thubu thamaki

Cati burana tai thaa iratu thogithi kabuti

Thani gikombe giciko thuburia muiko

Ngaari mutokaa ndereba betũrũ taĩri kaburaita kĩrori

Mũbutĩti bendera

Bengi mbeca thendi mũcara

Thengiũ

Thigũkũũ

Mabati maturubarĩ koroga mĩcumarĩ thoo nyondo

Cabaci tothi mugate gĩtowero

Kĩbandĩ kĩraũni tigiti rĩthiti ibuku

Nairobi Naivasha Nakuru Nanyuki Karau Njororoko

Longonot Limuru Aburandi Kijabi Subukia Gilgil

Rũthiomi rũngĩaga gũura no ruthire. Ota ũrĩa mbeũ ĩngĩaga kũmenyererwo yahandwo ĩngĩũra kan ĩbuthe noguo rũthiomi rutariĩ. Umũthĩ rũthiomi rũgeni rwa chen’gi nĩruo andũ ethĩ maaragia. Twaga kwimenyerera tũkĩĩhũgũra tũgũkora rũthiomi rwitũ rwathirire. Hihi wee wi mũtũũria kana wĩ mũnini wa rũthiomi rwitũ?

Ta wĩcirie ciugo ingĩ tũhũthagĩra itarĩ cia kĩhumo kĩa rũthiomi ruitũ no rĩu nĩciatuĩkire cia gĩgĩkũyũ. Nĩtũcokanĩrie, tũkũrie na tũtũrie rũthiomi rwitu.

1 Comments:

At Tue May 09, 01:39:00 PM EDT, Anonymous Kariuki wa Waruingi said...

Wimuhooro Mundu wa Nyumba.
Wambere ninguihoya niundu wa mwandiko wakwa.Macini(computer)ino ndi nayo nditikiritie mahuthiro ma ndemwa iria ciagiriire.
Tukienda kumenya kuria ciugo ciumite nonginya tukageria kurora kana indo iria ciitainio na ciugo ici ri? kana kihumo gia cio ni gikuyu. Ciugo nyingi ciokire na mukoloni ta;cati(shirt),baini(fine),thogithi(socks) ona kaburaita(carburretor).Miikarire ya mugikuyu ndiari na indo ici. Ungirora kiugo ta njanji, mbere ya muthungu kwari na kiama kiria giatuaga macira.
Ningi ungituiria niukuona ati ciugo imwe ni cia githweri igatamukwo na gikuyu.Kiugo ta thamaki ni samaki.Ciugo cia gikuyu ciitanagio na nyamu cia maiini ni;kiunguyu,njereri,kiura na ingi nyingi.
Ngwiciria nindatheria haria ingihota.

 

Post a Comment

<< Home